شخللة

بقالي أسبوع كل لما أمشي بالعربية أسمع صوت شخللة

صوت غبي ممكن آخري إني أتحمله دقيقة .. لكن إستحالة أفضل متحمله طول مانا سايق .. بيخليني هاين عليا أمسك العربية واقلبها

الحل علشان مسمعوش هو إني إعليّ صوت الكاسيت حتي لو مكنش ليا مزاج أسمعه!

دوخت بالعربية من كهربائي لسمكري لعفشجي لميكانيكي

وكل واحد يقولي حاجة غير التاني

إللي يقولي حاجة مفكوكة في التابلوه

وإللي يقولي عندك قاعدة الموتور عاوزة تتغير

وإللي يقولي لازم نكشف علي علبة الدركسيون

وإللي يقولي العفشة بتزيق

حوارات كتيرة وكل واحد بكلمة وكل واحد برأي

وأنا بس إللي شارب المرار

خصوصا إن الصوت بيزيد لما بشغل التكييف

بقيت بفتح الإزاز في عز الحر وبعلي الكاسيت في عز الصداع

لحد مارحت لواحد صاحبي مهندس سيارات .. 

دور علي المشكلة براحه وبشويش .. وفي أقل من دقيقة لقيته فك مسمار من فرش الباب إللي جنبي وطلع من وراه ربع جنيه!!

راح للمشكله في ثواني وكأن هو اللي كان حاطه

مسكت الربع جنيه في إيدي وضحكت .. بقى إنت اللي عامل القلق ده كله ؟؟ 

ربع جنيه كنت هدفع بسببه لو سمعت كلامهم ومشيت ورا اقتراحتهم أكتر من 500 جنيه مصاريف

كل واحد من اللي مريت عليهم قبله قال رأيه وهو حاطط ايده في جيبه ومهموش يشوف أصل المشكلة فين .. مش فاضي يضيع وقته في الجري ورا صوت ..

ساعتها حسيت إن أغلب مشاكلنا هي في الأساس ربع جنيه!!

ملهاش اي قيمة

بنتخيل أحيانا إنها مشاكل كبيرة صعب حلها

وخصوصا لما نستشير ناس حوالينا وكل واحد يقول رأي مختلف بعيد خالص عن حل المشكلة

وإنت علشان في الدوامة مستعد تعمل كل اللي يقولوه في سبيل إنك ترتاح

جرب روح لربنا .. هو متخصص في حل المشكلة .. معندوش حاجه إسمها مش فاضي

معندوش حاجه إسمها يحط إيده في جيبه ويشخص المشكلة

معندوش حاجه إسمها مش هضيع وقتي علشان أدور علي صوت شخللة

هتلاقيه مد إيده وفك أول مسمار في المشكلة .. وحلهالك

فعلا .. مشاكلنا يوم ماتكبر لا تتعدى الربع جنيه .. لا قيمة لها

حدث بالفعل

مايكل سامي

Advertisements

About Amr Badran

An Egyptian Business Consultant and Corporate Trainer since 1997. I've trained on Management, Leadership and Soft Skills to thousands of people from many nationalities, backgrounds and professions in more than 10 countries across the Middle and Far East. Holder of an MBA and a Candidate for Doctorate in Business. Find more about my Management and Personal Skills Courses at AmrBadran.com and feel free contacting me at Amr@AmrBadran.com
This entry was posted in فكاهة, مصر, الحياة. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s